زنجيل ابو ذيه جديد

محمد الزيـن

انـه القــط الحياء وعيب ينغـــاط
مثل ليـــل بســواد الكلـب ينغـــاط
خلص عمري عله حظ غراب ينغاط
طلع من غبشه وانكلبت مسيه

طلع من غبشه صاح الراح وراد
عمه وجه الحسد بالبوس وراد
بقه الماراد وسطي يحوم وراد
طعن ظهري ونسه السجين بيه

طعن ظهري وعكد بحشاي حربه
نسه الهدنه وكصت بصباي حربه
خلص جلده عله حيه النوب حربه
ويغير الوانه من عوبه لرديه

يغير الوانه وتلعثم لسـاني
وبعدني عالعهد باقي لساني
صدك محروك بس كلبي لساني
وبقه بفج الوكت ويلوج بيه

بقـه بفج الوكت كلبي يـدك لـك
ونته عله الطبل مطرب يدك لك
صحت ماخاف ياوكتي يدك لك
وذا متلوح مد رجلك عليه

اذا متلوح مـد اللـوح لوحيـن
جفو بس شوكي طيح غيم لوحن
انه بوكت الاذان اليوم لوحان
اصلي اسبوع بس كونك اليه

اصلي اسبوع عالبعدن وراحن
واحسب عالجفو كلبي وراحن
راح اليوم اكف دمعي وراحن
اسد بيبان كلبي وهاي هيه