[size=18]يا حسين أبدمك أثبت الدين .....ورَجعت في كربله يوم الفتح
ولذلك مرقدك كعبة ومزار ... شلون أظن قرأن نحرك ينذبح
أنت نفس النبي ياروح البتول ... ويارسول شلون دمك ينسفح
والرمح ماشال راسك مستحيل... بعتقادي راسك الشال الرمح
ردت أرسم جـرح جسمك يا ذبيح
أبفكري أشوفن مو جسم طايح جرح
ولهذا قررت أرسم دماء ... تجري من قمة جبل نحو السفح
صرح حبك شامخ أبعلو السماء
ابكل كَلب حبك يظل أكبر صرح
واليبغضك ينفضح يوم الحساب ...وشي أكيد اللي يبغضك ينفضح
لأن نورك شمس تجلي كل ظلام
أبوهج نورك كل حقيقة تتضح
والليل في كل المدن أنشوفه ليل ...وعلي بس أبكربلة أنحس بي صبح
خدمتك أكبر شرف يبن الرسول
والإسراف بخدمتك حتماً ربـح
وأنت للجنة صرت باب وطريق... وأبد ما ينغلق بابك منفتح
كون من ننطق بأسمك يا حسين
بكل عقيدة أحنة نتوضة أقترح
لأن جف الصلح وي كافر محال ... وأنت بالطف أكطعت جف الصلح
انت قرأن ونطق راسك أكيد
أذن بيك أيطول مولاي الشرح
وصار أسمك جرح بعيون الزمان ... ويظل أسمك ينكتب ما ينمسح[/size]
موضوع: يومـ الفتح 
الأحد فبراير 17, 2008 6:43 pm
